Aplicación de comunicación Oficina do Autónomo

Para optimizar a comunicación entre a Oficina do emprego autónomo e as persoas usuarias rexistradas como persoas traballadoras autónomas, tense decidido utilizar a aplicación para web e para dispositivos móbiles Gohu

Esta aplicación, permitirá mellorar a canle de comunicación da Oficina do autónomo, actualmente moi utilizada para consultas sobre axudas, trámites e posta en marcha, permitindo tamén poternciar a interacción nas dúas direccións: da oficina do emprego autónomo ás persoas autónomas e da persoa autónoma á oficina do emprego autónomo.

Iso, xunto coa accesibilidade, simplicidade, seguridade e capacidade da nova ferramenta, achegará máis valor a todas as persoas autónomas usuarias desta plataforma.

A súa posta en marcha e utilización é moi sinxela e rápida.

A continuación presentamos os pasos que se teñen que seguir para empezar a utilizala.

Utilización con teléfono intelixente ou tablet:

  • Accede á tenda de aplicacións correspondente e busca Gohu:

Google Play App Store

  • Unha vez descargada a aplicación, da de alta os teus datos (nome, DNI, teléfono de contacto e correo electrónico, xunto cun contrasinal) e teu enderezo na opción "Domicilios".
  • Dende ese momento xa poderás recibir as nosas mensaxes.

Utilización con ordenador portátil ou de sobremesa:

  • Accede á sección de rexistro de usuarios do portal de Gohu:

Rexistro usuario Gohu

  • Cubre os teus datos persoais (nome, DNI, teléfono de contacto e correo electrónico, xunto cun contrasinal) e pulsa o botón "Seguinte". A continuación xa podes acceder á plataforma de comunicación.

Acceso á plataforma Gohu

  • Unha vez dentro, da de alta o teu enderezo pulsando na opción "Domicilios"
  • Dende ese momento xa poderás recibir as nosas mensaxes

Dende a Oficina do emprego autónomo mandaremos por esta canle información sobre a publicación de axudas, eventos, novas, lexislación e todos aqueles contidos que sirvan para facerche a túa labor profesional como persoa traballadora autónoma máis sinxela.

E se queres mandarnos unha mensaxe?

Pois moi sinxelo. Gohu tamén permite que nos poidas enviar calquera consulta, pregunta ou suxestión que consideres oportuna, mantendo o fío da conversa para que non se perda ningunha información.

Para isto, só tes que pulsar no boton de "Envío" e elixir o noso enderezo e o buzón "Oficina do emprego autónomo" como destinatario. Márcao e cubre o resto de datos para o teu envío. Inmediatamente teremos constancia da súa recepción e poderemos xerar unha canle segura de comunicación que esperamos che resulte de utilidade.

E lembra que, en todo caso, sempre terás a opción de enviarnos un correo electrónico dende a sección de "Contacta con nós" que aparece no pé do noso portal web.


AVISO IMPORTANTE: Esta canle non substitúe en ningún caso á canle oficial da sede electrónica da Xunta de Galicia (sede.xunta.gal e notifica.xunta.gal), sendo un mero canle informativo para achegar a oficina do emprego autónomo ás súas persoas usuarias para informar de novidades e recibir consultas.