Subvencións a proxectos de promoción e dinamización do Xacobeo 2021 dentro do programa O teu Xacobeo


  • 29/11/2019
  • 30/12/2019
Accede dende aquí

TU300A -  Subvencións a proxectos de promoción e dinamización do Xacobeo 2021 dentro do programa O teu Xacobeo

Data de publicación: 29 de novembro de 2019

Data de inicio solicitude: 30 de novembro de 2019

Data de remate solicitude: 30 de decembro de 2019

Obxecto

As subvencións reguladas por estas bases teñen por obxecto a concesión das axudas a proxectos de promoción e dinamización con motivo da conmemoración do Ano Santo Xacobeo 2021 que se celebren entre o 1 de maio de 2020 e o 30 de abril de 2021, co obxectivo principal de lograr unha programación sociocultural cara ao Xacobeo 2021 para a promoción e potenciación de Galicia, así como reforzo da dimensión internacional do Camiño de Santiago e da propia Comunidade Autónoma, tales como: exposicións, mostras, intervencións, exhibicións, concertos, feiras e festivais, publicacións, creacións audiovisuais, talleres, xornadas de formación, conferencias, charlas, encontros, foros, actividades deportivas dirixidas, torneos, mostras gastronómicas, catas e degustacións, actividades de formación e intercambio, e outras.

Os proxectos presentados deberán desenvolverse no territorio da Comunidade Autónoma de Galicia e adherirse, polo menos, a tres dos obxectivos do Xacobeo 2021.

Características da axuda

A porcentaxe máxima de financiamento dos proxectos de persoas traballadoras autónomas que resulten subvencionados será do 60% cun máximo de 25.000€.

Teñen a consideración de gastos subvencionables, que terán que ser xustificados polas persoas físicas de conformidade co disposto nas bases reguladoras, aqueles gastos que, de xeito indubidable, respondan á natureza da actividade subvencionada e se realicen desde o 1 de maio do ano 2020 ata o 30 de abril de 2021.

Persoas beneficiarias

Poderán ser persoas beneficiarias desta axuda, entre outras, as persoas traballadoras autónomas (liña 2).

Publicación DOG Ficha informativa na sede electrónica

Válido dende: 
venres, 29 Novembro, 2019
Válido ate: 
luns, 30 Decembro, 2019