Novas da oficina do autónomo

A conselleira de Promoción do Emprego e Igualdade, María Jesús Lorenzana, inaugurou hoxe o Polo de Emprendemento e Apoio e Emprego de Verín, o primeiro dunha rede de 12 que a Xunta prevé abrir en Galicia para fomentar a iniciativa empresarial, dinamizar o mercado de traballo e fixar emprego, atendendo as demandas dos diferentes territorios.

A Consellería de Promoción do Emprego e Igualdade publica no Diario Oficial de Galicia unha nova convocatoria do programa Emega de fomento do emprendemento feminino que, cun orzamento histórico de case 4,4 millóns de euros (un 34% máis que o ano pasado), prevé outorgar 275 axudas, un 18% máis que en 2021, no que se concederon 234.

A directora xeral de Emprendemento e Apoio ao Emprego, Margarita Ardao, destacou hoxe en Santiago de Compostela que a rede autonómica de emprendemento, que unificará e coordinará os programas e axudas da Xunta neste eido, avogará pola igualdade de oportunidades e polo talento feminino como claves para a mellora da competitividade.

O Diario Oficial de Galicia publica a convocatoria do novo programa Muller 22 que con 6 millóns de euros de orzamento promove incentivos de 6.000 euros para a contratación inicial de ata 1.000 mulleres desempregadas que presentan desvantaxes e dificultades particulares para acceder ou permanecer no mercado de traballo.

O Boletín Oficial do Estado ven de publicar a Lei 12/2022, de 30 de xuño, de regulación para o impulso dos plans de pensións de emprego, pola que se modifica o texto refundido da Lei de Regulación dos Plans e Fondos de Pensións, aprobado polo Real Decreto Lexislativo 1/2002, de 29 de novembro