Presentación do Programa Re-acciona Innovación da GAIN
O programa Re-acciona é un programa de servizos a pemes que, a través de empresas prestadoras de servizos especializadas, lles permite executar proxectos de mellora en distintos ámbitos.
Nesta convocatoria do programa Re-acciona, GAIN colabora co IGAPE (xestor do programa) en pór a disposición das empresas galegas tres novos servizos de apoio do Programa Re-acciona Innovación:
- Deseño e lanzamento de produtos e servizos innovadores
Desenvolvemento de novos produtos, novos servizos e novos procesos de negocio nas pemes galegas, a través do uso de metodoloxías de deseño estratéxico.
- Protección da innovación
Impulso da protección das innovacións técnicas (invencións) e as creacións de forma (deseños industriais).
- Asesoramento para o financiamento da innovación
Dirixido a establecer unha estratexia para a obtención de financiamento para as súas actividades de I+D+i, en especial a través do sistema nacional de incentivos fiscais.
E para dar cumprida información dos contidos do Programa, a GAIN promove tamén catro talleres formativos segundo o seguinte calendario:
10.03.20 Ferrol
Lugar: CIS Tecnoloxía e Deseño (A Cabana, s/n, Ferrol, A Coruña)
11.03.20 San Cibrao das Viñas
Lugar: Tecnopole (Avda. Edificio CEI, San Cibrao das Viñas, Ourense)
17.03.20 Porriño
Lugar: Centro de Iniciativa Empresarial (CIE) (Rúa D, Paralela 3, Edificio CIE-Sala Formación, Polígono Industrial A Granxa, Porriño, Pontevedra)
25.03.20 Lugo
Lugar: Fundación CEL (Pazo de Feiras e Congresos de Lugo, El Palomar, s/n, Lugo)