Galego
CastellanoAxudas do Programa de crecemento empresarial - 2019
- 06/07/2019
- 21/09/2019
-
Etapa
464624 - Axudas para impulsar o crecemento da industria española dentro do proxecto "Programa de crecemento empresarial"
Data de publicación: 6 de xullo de 2019
Data de inicio solicitude: 8 de xullo de 2019
Data de remate solicitude: 21 de setembro de 2019
Obxecto
O obxecto que se pretende con estas axudas é impulsar o crecemento da industria española, a través das empresas industriais con fabricación en España.
Características da axuda
A axuda en especie obxecto das bases reguladoras será a recepción dun asesoramento especializado e individualizado que incluirá un diagnóstico da situación de partida da empresa beneficiaria, a elaboración dun plan de asesoramento temático, así como o seguimento do plan.
O asesoramento prestarase a través de reunións individualizadas coas empresas beneficiarias, e contará con 50 horas de asesoramento individualizado. O devandito asesoramento terá a condición de axudas en especie. O custe do servizo de asesoramento é de 6.497,29€, dos que a empresa beneficiaria só abonará 974,59€ (impostos incluídos).
A empresa beneficiaria recibirá dentro do asesoramento especializado os seguintes servizos:
- Diagnóstico previo da situación de partida da empresa
- unha análise interna da organización e do negocio,
- o Plan de Asesoramento personalizado,
- seguimento e avaliación do Plan de Asesoramento e
- as visitas necesarias ás instalacións da industria beneficiaria (2 na fase de diagnóstico e 2 no asesoramento temático)
Persoas beneficiarias
Poderán ser beneficiarias desta subvención, entre outras, as persoas físicas que desenvolvan ou vaian desenvolver unha actividade industrial produtiva sempre que o seu obxecto social se refira a actividades encadradas na Sección C - Divisións 10 a 32 da Clasificación Nacional de Actividades Económicas (CNAE 2009).
Neste enlace pódese acceder ao texto completo da resolución.
Neste enlace dáse máis información no portal web da EOI.