Galego
CastellanoAxudas para implantar a igualdade laboral, a conciliación e a RSE - Liña III Certificacións de RSE - 2022
- 04/02/2022
- 04/03/2022
-
Etapa
TR357B - Axudas para implantar a igualdade laboral, a conciliación e a RSE - Liña III Certificación RSE - 2022
Data de publicación: 04/02/2022
Data inicio de solicitude: 05/02/2022
Data remate de solicitude: 04/03/2022
Obxecto
Esta orde ten por obxecto publicar as bases e convocar as axudas e incentivos a pemes, a persoas traballadoras autónomas con persoas traballadoras a cargo para implantar sistemas de xestión de responsabilidade social empresarial (RSE).
Poderán ser subvencionables as accións para as que se concede a axuda ou incentivo que se realicen entre o día 1 de xaneiro de 2022 e ata a data de final do prazo de xustificación das actividades establecido.
Características da axuda
Nesta Liña III Certificacións RSE subvencionarase a obtención dunha certificación ou informe de verificación ou validación de códigos de conduta, normas ou estándares en materia de responsabilidade social empresarial. Poderán ser as que se relacionan ou equivalentes: empresa familiarmente responsable-EFR (conciliación), Global Reporting Initiative (GRI); United Nations Globlal Compact (pacto mundial); ISO 19600, SGE 21, Global Accountability 1000 (AA 1000); EMAS, ISO 14000 (ambiente), SA 8000, IQNet SR10, BEQUAL (discapacidade), ISO 45001 (seguridade e saúde laboral), certificación empresa saudable, así mesmo selo horarios racionais (SHR).
A contía da axuda será o pagamento do 80 % dos custos que leve consigo o proceso da certificación ou verificación cun máximo de 2.000 € por empresa.
Persoas beneficiarias
As empresas solicitantes poderán ser pemes ou persoas traballadoras autónomas, que teñan subscritos contratos con persoas traballadoras por conta allea con domicilio social e centro de traballo en Galicia, calquera que sexa a súa forma xurídica, e que estean validamente constituídas no momento de presentar a solicitude de axudas.
Para esta liña III, as empresas deberán contar cun mínimo de 5 persoas traballadoras.
Para os efectos de determinar o número de persoas traballadoras na empresa, atenderase ao número de persoas traballadoras por conta allea na data da presentación da solicitude.