Axudas para o fomento da contratación de persoal tecnólogo para a realización de actividades de I+D+i nas empresas (Programa Principia) - 2021

IN848C - Axudas para o fomento da contratación de persoal tecnólogo para a realización de actividades de I+D+i nas empreas (Progama Principia) - 2021

Data de publicación: 15/03/2021

Data inicio de solicitude: 16/03/2021

Data remate de solicitude: 15/04/2021

Obxecto

As bases teñen por obxecto establecer as bases reguladoras e as condicións polas que se rexerán as axudas do programa Principia da Axencia Galega de Innovación dirixidas ás empresas e organismos de investigación en Galicia, destinadas ao fomento da contratación durante un período mínimo dun ano de persoal para a realización de actividades de I+D+i aliñadas coas prioridades establecidas na RIS3 para Galicia, co fin de favorecer a súa carreira profesional, así como estimular a demanda no sector público e privado de persoal suficientemente preparado para acometer proxectos de I+D+i.

Características da axuda

Serán subvencionables ao abeiro desta convocatoria as contratacións de persoal tecnólogo para a realización de actividades de I+D+i, que se formalicen desde o día 1 de xaneiro de 2021 ata o 1 de novembro de 2021, ambas inclusive, coas seguintes características:

a) As actividades de I+D+i que realicen o persoal contratado deberán desenvolverse en centros de traballo da Comunidade Autónoma de Galicia e estar aliñadas cos retos e coas prioridades estratéxicas establecidas na RIS3 para Galicia (anexo III).

b) O contrato de traballo que se formalice deberá ser a tempo completo e poderá ser indefinido ou de duración determinada mínima de 12 meses. Ademais, deberá respectar o grupo de cotización correspondente á titulación da persoa contratada, segundo a táboa do punto 2 do artigo 4 da convocatoria.

c) A retribución salarial anual bruta que percibirá por cada persoa tecnóloga contratada deberá figurar expresamente no contrato e non poderá ser inferior a 19.000 euros.

Persoas beneficiarias

Poderán ser beneficiarias destas axudas, entre outras, as empresas de calquera tamaño, con domicilio social ou centro de traballo en Galicia.

Publicación DOG Ficha sede