Premios EMPRENDEDOR XXI: Aberta a convocatoria ata o 3 de decembro

A Xunta de Galicia colabora con CaixaBank, o Ministerio de Industria, Comercio e Turismo, a través da Empresa Nacional de Innovación (ENISA) e o Banco BPI en Portugal na 15ª edición dos Premios EmprendedorXXI.

Estes galardóns teñen como obxectivo identificar, recoñecer e apoiar ás novas empresas con maior potencial de crecemento.

Poden presentar as súas candidaturas as empresas de base tecnolóxica e dixital, con alto potencial de crecemento e modelos de negocio escalables e innovadores, cuxo inicio de actividade sexa posterior ao 1 de xaneiro de 2018. O prazo estará aberto ata o próximo 3 de decembro deste ano 2021.

Os premios Emprendedor XXI outorgan 19 galardóns territoriais cunha dotación económica de 6.000 euros e 6 premios ás mellores solucións presentadas para os retos propostos nesta edición, dotados neste caso con 25.000 euros.

Ademais, permiten acceder a programas de acompañamento de alto nivel como o Moonshot Thinking, organizado por ESADE en colaboración con expertos en Silicon Valley, e a programas de mentoría acompañados de expertos de cada sector.

Máis información