Real Decreto 665/2024, do 9 de xullo, polo que se modifica o Regulamento Xeral sobre Cotización e Liquidación doutros Dereitos da Seguridade Social

Mediante este Real Decreto modifícanse os artigos 44 (bases de cotización) e 46 (regularización anual da cotización) do Regulamento Xeral sobre Cotización e Liquidación doutros Dereitos da Seguridade Social.

Dada a posta en marcha do novo sistema de cotización para as persoas traballadoras autónomas, púxose de manifesto a necesidade de efectuar determinadas precisións no desenvolvemento regulamentario do sistema que se efectuou a través da modificación do Regulamento Xeral sobre Cotización e Liquidación doutros Dereitos da Seguridade Social. Así, con este Real Decreto estímase necesario precisar aspectos relativos á base aplicable nos supostos de altas presentadas fóra de prazo e nos períodos incluídos en actas de liquidación por falta de alta promovidas pola Inspección de Traballo e Seguridade Social.

Por outra banda, resulta necesario precisar tamén, que, para o cálculo da cota de Seguridade Social resultante do procedemento de regularización, han de ser tidos en conta non só os rendementos derivados das actividades económicas, empresariais ou profesionais da persoa traballadora autónoma, senón tamén outras circunstancias concorrentes que son determinantes da contía da devandita cota, como poden ser, entre outras, as que se deriven dunha variación na clasificación económica da actividade realizada por ela, das revisións da data de alta ou baixa da persoa traballadora, ou da súa inclusión nunha categoría de traballador autónomo que estea suxeito a unha base específica de cotización ou á aplicación de determinadas bonificacións na cotización.

Concrétase, tamén, o modo de efectuar a regularización anual de rendementos en supostos específicos, como son os de concorrencia de alta da persoa traballadora no Réxime Especial da Seguridade Social dos Traballadores por Conta Propia ou Autónomos e, como traballador por conta propia, no Grupo I do Réxime Especial da Seguridade Social dos Traballadores do Mar, ou cando resulten aplicables normas específicas por razón das características de actividade desenvolvida, como é o caso das persoas traballadoras autónomas artistas con baixos rendementos ou o das dedicadas á venda ambulante

Real Decreto-lei 13/2022