Programa Ticket Innova

IG408K - Programa Ticket Innova

Data de publicación: 13/01/2025

Data inicio de solicitude: 21/01/2025

Data remate de solicitude: 30/09/2025

Obxecto

A finalidade destas axudas é a de incentivar o uso de servizos para o desenvolvemento tecnolóxico e a innovación polas pequenas e medianas empresas (pemes), en especial, polas pertencentes a sectores tradicionais non intensivos en innovación.

Características da axuda

Serán subvencionables os custos de contratación de servizos externos especializados en materia de innovación e desenvolvemento tecnolóxico (empresas especializadas en innovación e centros tecnolóxicos) efectuados desde o 1 de xaneiro de 2025 até a data da solicitude da axuda. O importe mínimo de gasto subvencionable deberá alcanzar os 10.000 €.

Non serán subvencionables en ningún caso impostos, intereses e gastos financeiros, e taxas.

As contratacións relativas á prestación dos servizos asociados aos tickets de innovación terán que estar realizadas e pagas dentro do prazo de execución, que abarca desde o 1 de xaneiro de 2025 até a data da presentación da solicitude.

Existen 6 modalidades de tickets Innova:

a) Estratexia e xestión da innovación.

b) Deseño para a innovación.

c) Xestión da protección do coñecemento da innovación.

d) Certificacións para as deducións fiscais en I+D+i.

e) Preparación de propostas a programas e axudas europeas.

f) Deseño de novos procesos ou servizos baseados en tecnoloxías dixitais emerxentes.

Os gastos que se subvencionan deberán respectar o establecido nesta convocatoria e serán exclusivamente custos directos.

Persoas beneficiarias

Poderán ser persoas beneficiarias destas axudas as pequenas e medianas empresas galegas (en diante, pemes) ou cun centro de traballo en Galicia.

Para os efectos das presentes bases, consideraranse pemes as empresas que, na data da solicitude, respondan á definición de peme establecida pola Comisión Europea no anexo I do Regulamento (UE) 651/2014, e con forma xurídica de sociedade mercantil.

Publicación DOG

Ficha informativa sede electrónica