Galego
CastellanoPrograma Camiño Emprendedor - 2024
Presentación do Programa
A Xunta de Galicia, xunto coa Fundación Ronsel, puxo en marcha no 2024 unha nova edición do programa Galicia Camiño Emprendedor, mentoría para persoas emprendedoras compartindo unha etapa do Camiño de Santiago.
O obxectivo principal de cada etapa foi a mellora dos proxectos participantes e a xeración de contactos profesionais, empregando a metodoloxía de mentoría “Facendo Camiño”.
Obxectivos xerais do Programa
- Promocionar Galicia e o Camiño de Santiago como destino de ocio e actividade económica, recorrendo unha etapa en cada provincia galega.
- Apoiar ás persoas profesionais autónomas e empresarias, acompañándoas na consolidación e mellora dos seus negocios.
- Promover a sustentabilidade nas empresas de economía social, as persoas autónomas e persoas empresarias, vinculando os seus negocios aos Obxectivos de Desenvolvemento Sustentable (ODS).
Obxectivos específicos para cada un dos negocios participantes no Programa
- Aliñarse cun dos ODS para construír e fomentar a súa sustentabilidade.
- Realizar e presentar un plan de acción a corto prazo baseado na información e os consellos recibidos durante a etapa.
- Xerar novos contactos e oportunidades de colaboración.
Obxectivos de desenvolvemento sostible
Poñemos o foco nas persoas e na sustentabilidade dos seus negocios, aliñándoos cos Obxectivos de Desenvolvemento Sostible (ODS).
Metodoloxía do Programa
Metodoloxía “Facendo Camiño” coa que traballaremos durante as etapas: Mentoring para emprendedores no camiño.
Podes coñecela en maior detalle a través do seguinte vídeo:
Datos de interese do Programa
- Cada etapa tivo un máximo de 6 prazas dispoñibles para persoas emprendedoras e 6 prazas dispoñibles para persoas mentoras, que se adxudicaron por orde de inscrición. Unha vez cubertas as 6 prazas dispoñibles de cada tipo, habilitáronse unha lista de espera para que puideran inscribirse as persoas interesadas.
- Cada persoa só podía inscribirse nunha etapa (salvo que haxa prazas vacantes).
- A organización cubriu cos custos das persoas participantes dende o punto de saída ata o punto de chegada (incluíndo pasar a noite).
- Existía un seguro de cobertura de accidentes que cubriu ás persoas participantes nas etapas.
- Para maior información, escribir un email a: gce@fundacionronsel.org