Galego
CastellanoInfografías axudas 2024
A continuación se presenta un recompilatorio das infografías informativas que se van elaborando para as distintas liñas de axudas que convoca a Consellería de Promoción do Emprego e Igualdade ao longo deste ano 2024, presentadas de máis actual a máis antiga no tempo, segundo a súa publicación no Diario Oficial de Galicia.
Axudas do Bono Remuda para o fomento da remuda xeracional - 06/06/2024
Axudas do Bono remuda para o fomento do traspaso de negocios por remuda xeracional, para evitar o peche de negocios pola xubilación ou pola proximidade da idade de xubilación da persona titular di negocio, por causas sobrevidas como a incapacidade permanente total, absoluta ou gran invalidez, ou a morte, e para facilitar que as personas interesadas en emprender teñan a posibilidade de recoller a testemuña dun negocio xa viable economicamente. (TR353D).
Axudas para promover a primeira experiencia profesional das persoas mozas mediante contratos formativos - 22/05/2024
Incentivos para mellorar a empregabilidade e a inserción profesional das persoas mozas en Galicia a través da formalización de contratos de formación para a obtención da práctica profesional ou de contratos de formación en alternancia, que lle faciliten a inserción laboral, dotándoas á vez de competencias para o emprego que as acompañen durante a súa vida laboral, coa finalidade última de proporcionar a estas persoas unha primeira experiencia no emprego (TR353C).
Incentivos ás empresas cualificadas como iniciativas de emprego de base tecnolóxica (IEBT) - 09/04/2024
Incentivos ás empresas previamente cualificadas e inscritas como iniciativas de emprego de base tecnolóxica, coa finalidade de impulsar a creación de novas iniciativas empresariais de base tecnolóxica, sufragando as accións, gastos e pagamentos establecidos en cada modalidade dentro do período dun ano desde o inicio da actividade da empresa (TR340E).
Programa Investigo, de contratación de persoas mozas demandantes de emprego na realización de iniciativas de investigación e innovación - 06/02/2024
Esta axuda céntrase en apoiar a contratación de persoas mozas, de 16 ou máis anos e que non teñan cumprido os 30 anos no momento de comezar a relación contractual, por parte de empresas que estean investindo en investigación e innovación para a realización de iniciativas de investigación e innovación en calidade de investigadoras, tecnólogas, persoal técnico e outros perfís profesionais en I+D+i, facilitando a súa inserción laboral para contribuír a incrementar a competitividade da investigación e a innovación. (TR349V)
Axudas para apoiar iniciativas de emprendemento - 05/02/2024
Esta subvención de apoio ao emprendemento para as persoas traballadoras autónomas e pequenas e medianas empresas, que se atopen de alta e iniciasen a súa actividade económica desde o 1 de xaneiro de 2022 ten como finalidade facilitar as iniciativas de emprendemento, contribuíndo ao incremento da súa actividade económica e á súa competitividade e, en definitiva, mantendo empregos de calidade, a través do apoio ao financiamento do investimento realizado e pagado. (TR880A)
Axudas para a contratación indefinida e a formación de persoas asalariadas - 29/01/2024
Estes apoios para persoas traballadoras por conta propia céntranse en favorecer favorecer a creación de novos empregos estables e contribuír ao crecemento de pequenas unidades produtivas con potencialidade para a creación de emprego, a través da concesión dunha contía fixa que contribúa a que as persoas autónomas fagan fronte á contratación de persoas traballadoras. Este programa inclúe dous tipos de axudas, compatibles entre si: Bono de contratación e Bono de formación (opcional). (TR349F)
Axudas para a conciliación da persoa traballadora autónoma - 24/01/2024
Estas axudas apoian ás persoas traballadoras por conta propia ou autónomas que contraten unha persoa traballadora, ben sexa para apoio no negocio durante o seu período de descanso por nacemento, adopción ou acollemento ou a transformen en indefinida posteriormente, ben sexa para apoio no coidado de menores, maiores e/ou persoas con discapacidade ou dependencia, segundo o disposto nesta orde. Así mesmo, subvencionarase unha parte do custo dos centros e/ou servizos para o coidado de menores, maiores e/ou persoas con discapacidade ou dependencia. (TR341R)
Programa Nova oportunidade das persoas traballadoras autónomas - 22/01/2024
Esta axuda céntrase nas persoas traballadoras autónomas que cesaron na súa actividade que volven emprender un negocio como persoas traballadoras autónomas tras ser demandantes de emprego no momento previo á nova alta como persoa traballadora autónoma. A súa finalidade é facilitar a volta á actividade económica á persoa emprendedora a quen lle foi mal no seu anterior negocio pero ten a experiencia práctica e a iniciativa de volver emprender, no mesmo ou diferente sector (TR790A).
Plan Galicia Emprega de incentivos á contratación e á formación na empresa ordinaria- 22/01/2024
O Plan define incentivos á contratación por conta allea e á formación dos colectivos vulnerables, na empresa ordinaria (e entidades sen ánimo de lucro), coa finalidade de seguir paliando os prexuizos económicos sobre o mercado de traballo, derivados dos efectos da pandemia provocada pola COVID-19 e agravados pola invasión de Ucrania por parte de Rusia (TR342C).
Programa do bono das persoas traballadoras autónomas - 22/01/2024
Esta axuda céntrase nas persoas traballadoras autónomas para impulsar a mellora da competitividade mediante investimentos relacionados directamente co seu negocio. Céntrase principalmente en axudar a cimentar a consolidación de proxectos que xa superaron os tres primeiros anos de vida; por iso, nesta orde implántase unha liña de apoio á consolidación da persoa autónoma co obxectivo de contribuír á súa mellora competitiva. Unha liña que o fará a través do investimento nos negocios. (TR341Q).
Promoción do emprego autónomo e Cota Cero - 09/01/2024
Axudas para as persoas desempregadas que inicien o seu desenvolvemento laboral como traballadoras autónomas en Galicia, contando cunha axuda para o inicio da actividade económica e mantemento do emprego como persoa traballadora autónoma e outra axuda para sufragar os gastos do mantemento da actividade por conta propia, equivalente a 12 meses da contía da cota reducida á Seguridade Social (TR341D).
Accións formativas con compromiso de contratación en unidades formativas das empresas - 09/01/2024
Axudas ás empresas, calquera que sexa a súa forma xurídica, para desenvolver accións formativas con compromiso de contratación dirixidas á cualificación profesional das persoas traballadoras desempregadas para o desempeño de postos de traballo obxecto da contratación. (TR301P).