Galego
Castellano
Orde pola que se aproba o Plan de Inspección en materia de seguridade industrial - 2021
O Diario Oficial de Galicia ven de publicar o Plan de inspección en materia de seguridade industrial para o ano 2021.
Na liña de supervisar, controlar e vixiar os establecementos, instalacións, produtos e actividades industriais, comprobará a adecuación da súa posta en funcionamento e condicións de servizo aos requisitos legais, regulamentarios e técnicos previstos na normativa aplicable e, de ser o caso, exixirá as responsabilidades que correspondan nos supostos de incumprimentos legais ou defectos técnicos en materia de industria.
O Plan de inspección articularase arredor de catro programas:
1. Instalacións sometidas a regulamentos de seguridade industrial
2. Empresas instaladoras ou mantedoras no ámbito da seguridade industrial
3. Accidentes graves
4. Vixilancia do mercado
Tal e como se establece na orde publicada, os titulares dos establecementos, instalacións ou actividades obxecto do plan de inspección están obrigados a permitir e facilitar as comprobacións e inspeccións que o persoal debidamente acreditado realice en cumprimento da función de control da Administración, así como achegar calquera información ou documentación que se lles solicite en relación coa inspección que se realice.
