Programa Camiño Emprendedor - 2026

Presentación do Programa

A Xunta de Galicia, xunto coa Fundación Ronsel, pon en marcha neste 2026 unha nova edición do programa Galicia Camiño Emprendedor, mentoría para persoas emprendedoras compartindo unha etapa do Camiño de Santiago.

O obxectivo principal de cada etapa á a mellora dos proxectos participantes e a xeración de contactos profesionais, empregando a metodoloxía de mentoría “Facendo Camiño”.

Obxectivos transversais do Programa

• Realizar 3 “dobres etapas” en tramos oficiais do Camiño de Santiago.

• Desenvolver cada etapa en dúas xornadas, empregando e promocionando negocios de hostalería e aloxamento que sirvan como exemplo pola súa vinculación ao Camiño de Santiago, pola singularidade do seu modelo de negocio, pola súa defensa das tradicións ou outras características que resulten de interese.

• Mentorizar a persoas emprendedoras axudándolles a consolidar os seus proxectos empresariais e xerar contactos de interese para atraer novas oportunidades.

• Practicar as relacións profesionais e fomentar as habilidades de comunicación e xeración de alianzas.

• Promover e dar a coñecer Galicia e o Camiño de Santiago en España e fóra dela, empregando as diferentes rutas recoñecidas de forma oficial.

• Impulsar nas rutinas de traballo das persoas, hábitos saludables como realizar exercicio ou o contacto coa natureza.

• Difundir a boa práctica de “tomar decisións camiñando”, respaldada por diversos estudos científicos.

• Conectar, entre si e con outras que se atopen no exterior de Galicia, ás asociacións de galegos e galegas retornadas que queiran sumarse.

• Contar coa participación do persoal técnico e persoas emprendedoras da Rede de Polos de Emprendemento e Apoio ao Emprego

Obxectivos específicos do Programa

Cada etapa terá tres áreas de traballo especializado:

• Unha primeira con foco nas ideas innovadoras para o contorno rural, as actividades deportivas e/ou a sostibilidade: cada participante debe expoñer un exemplo sobre algunha destas ideas innovadoras, aplicables na súa actividade profesional ou a dos seus compañeiros/as de etapa.

• Unha segunda con foco na capacidade de relacionarse, practicando as competencias emprendedoras e creando novos contactos nacionais e internacionais.

• E unha terceira con foco na mellora sobre a xestión do seu tempo, tomando como referencia o que tiveron que planificar para poder participar neste proxecto.

Etapas do Programa Galicia Camiño Emprendedor 2026

En todas as etapas participarán 6 persoas emprendedoras, 6 persoas mentoras e 3 personas dinamizadoras da Fundación Ronsel (en total 15 persoas por etapa).

Nesta edición 2026 as etapas do Programa serán as seguintes: