Novas da oficina do autónomo

Coa publcación do Real Decreto-lei 14/2020, o Goberno de España ven de publicar a extensión do prazo de presentación e ingreso das declaracións e autoliquidacións dos impostos para todas aquelas persoas autónomas e pemes obrigadas cun volume de operacións non superior a 600.000€ eno ano 2019.

A Xunta de Galicia subministrará máscaras e guantes ás empresas e os autónomos que o soliciten, ante a imposibilidade de que moitas delas poidan conseguir o material de protección necesario no mercado e a un prezo adecuado. De feito, o material será facilitado ao mesmo prezo que o adquira a Xunta.

Co obxectivo de que as empresas, especialmente as máis pequenas e o colectivo autónomo, conten co maior número de alternativas posibles para facer fronte ao novo contexto derivado da pandemia provocada polo COVID-19, a Xunta vén de publicar no DOG unha liña de financiamento para garantir a inxección de liquidez ás nosas pemes e autónomos.<

No novo contexto internacional provocado polo COVID-19 é preciso seguir a traballar todas e todos xuntos, xa que a saída final a esta situación terá que vir desde o traballo en equipo e a unidade.

Por este motivo, a Xunta de Galicia promove a máxima coordinación cos axentes económicos e sociais.

O conselleiro de Economía, Emprego e Industria, Francisco Conde, mantivo hoxe un encontro por videoconferencia con entidades do sector financeiro para avanzar na posta en marcha das medidas de apoio a empresas e autónomos aprobadas pola Xunta.