Programa de subvencións de apoio ao emprendemento - 2025

BDNS 867925 - Programa de subvencións de apoio ao emprendemento - 2025

Data de publicación: 14/11/2025

Data inicio de solicitude: 15/11/2025

Data remate de solicitude: 16/12/2025

Obxecto

Esta Resolución ten por obxecto publicar as axudas da Liña 2.7. PEL Autónomos/as para sufragar parte das cotas da seguridade social correspondentes ao réxime especial ou sistema especial por conta propia, e/ou do alugueiro de oficinas, baixos comerciais ou centros de traballo do ano 2026 de persoas autónomas nos meses que non reciben outras axudas.

Características da axuda

Terán a consideración de gastos subvencionables para as persoas autónomas, e sempre que non reciban ningún tipo de axuda ou concepto similar, os seguintes:

• As cotas mensuais da Seguridade Social correspondentes ao réxime por conta propia do ano 2026.
• Os gastos mensuais correspondentes ao ano 2026 dos alugueiros de oficinas, baixos comerciais ou centros de traballo onde se leve a cabo unha actividade económica dada de alta no IAE.

As persoas solicitantes poderán solicitar a subvención para ambos conceptos ou unicamente para un deles, segundo as súas necesidades. Os gastos imputaranse ás contas contables 642 (Seguridade Social a cargo da entidade) e 621 (Alugueiros e cánones).

Axuda para cotas sociais:

A axuda consistirá nunha contía fixa de 200 € por cada mes no que se cumpran os requisitos dende un mínimo de 6 meses ata un máximo de 12 meses, conforme ao seguinte cadro:

Axuda para alugueiro:

A axuda consistirá nunha contía fixa por mes, equivalente ao prezo de alugueiro mensual efectivamente pagado pola persoa solicitante, IVE excluído.

Esta axuda terá unha contía mínima de 200 € e máxima de 500 € por cada mes no que se cumpran os requisitos, dende un mínimo de 6 meses ata un máximo de 12 meses, consonte a seguinte fórmula:

Contía mensual alugueiro efectivamente pagada (igual ou superior a 200 € e que non exceda de 500 €) x Número de mensualidades completas pagadas no ano 2026 (entre 6 e 12 mensualidades) = Contía da axuda

Persoas beneficiarias

Serán persoas beneficiarias desta axuda as persoas autónomas que desenvolvan unha actividade económica con ánimo de lucro e con domicilio fiscal nun municipio da provincia de Coruña de menos de 10.000 habitantes.

Publicación BOP

Ficha informativa sede electrónica